natual order

انا مبسوطة يا ناس
i got my laptop at last
:)))
متشققة من الفرح..شقة بشيلي وشقة باستراليا هههه
أول ما جبته البيت دخلت الغرفة و سكرت الباب وهات تبويس هههههههه ربع ساعة ابوس فيه لو يشوفني احد يقول مجنونة هههه
يعني لو تعرفون كيف جاهدت وكافحت لين جاء...بتعذروني اكيد :))
من سنة وأنا ابيه واستخدمت كل الأساليب مع اهلي لعل وعسى يتكرمون علي وينزلوني اشريه
أول شي بأدب وأخلاق ولا نفع..بعدين تمسكن..اقول لامي :حلو كذا..كل البنات معهم إلا أنا(كذب مو صدقههه) يرضيك كذا بنتك تحس بالنقص..أنا احس أني فقيرة..يعجبك كذا..أصلا كلهم احسن مني
عاد أمي كل شي إلا عيالها ما يكونون واثقين بأنفسهم..بس للأسف ما فاد
بعدين أسلوب التهديد...ترى بشوف لي أحد غيركم :) طبعا ما نفع
بعدين اسلوب الابتزاز...اذا ما جبتوه لي ترى أرسب هالتيرم هههه ولا نفع بعد..عارفين ماراح انفذ
بعدين آخر سلاح...الدموع ههههههه ولا جاب نتيجة..راحت دمعاتي عالفاضي :@
في النهاية...كل الأسلحة مع بعض ههههههههه
لبست عباتي وأخذت أخوي الصغير..وأمر على أمي...تبين شي ترى أنا طالعة بروح اشتري الاب توب..بأخذ لي تاكسي بسرعة وارجع
من جد كنت ناوية أطلع لأني طفشششششششششششت
بس مسكتني..فشانت الأخلاق و تهاوشت معها وخليتها تحس انها مقصرة معي ...الله يعفي بس
أهم شي من بكرا جاني أبوي وقال:منيرة ماودك نطلع نشوف لك الاب توب
:)