2005-05-06

لا أحد يقول بزره



هلا...ـ
إذا رحت المكتبة اعرفوا انو صارت لي معجزة
... من شهر وانا ابي اروح ولا احد فاضي يوديني.. ايه هين اذا كبرت وصرت ولد وصار لي سيارة يصير خير
. يعني احلم اطلع وسط الاسبوع وكل ويك اند طالع لي داد بشغله جديدة-الله يشفيه
اوه..انا ما قلت لكم؟؟ قسو وات؟؟ بيجون حريم الأسبوع الجاي يخطبوني هاهاها( لا أحد يقول عني بزر بعد اليوم) خلوني اقولكم السالفة أمس أمي سوت لنا اجتماع أنا واختي الكوبرى زي اجتماعاتها اذا بتقول شي مهم وقالت انهم بيجون..هم اختين وحدة أم خالد-عريس المستقبل- والثانية اختها..عاد أمي مناديتنا ليه؟ عشان تقول اذا خطبوكم او قالو شي لا توافقون نويرالتحفة حمر وجهها، انا مديت رقبتي وقلت ليه؟ يمه الولد مملوح (دارسه معاه روضه لول) وبعدين ناس بطره مب وجيه فقر
ـ لا أنا اعرف امه وجدته صعبين العشرة وشراهين ما ينفعون لك
ـاصلا من قال اني ابي اتزوج الحين واصلا الولد بزر لسه يدرس اقعد اروح الكليه انا وياه
. واصلا واصلا..أكمل اللسته بتاعي. .احلى شي أن الأرنب ذا مشيته عليهم كلهم حتى على صديقاتي بعد
اتخيل الحين انو تمت السالفة بجد وعرست على خالد وش بيصير؟؟
أول شي الفستان وخرابيطوه ونزلات السوق وعع ...لا هونت مب لازم عرس... وبعدين الحفلة بتهاوش انا وأمي أنا ابي حفلة رجة وهي تبي اسلامي وبعد الهواش والزعل طبعا بسمع كلامها يعني عرس زي العزاء ..لااااا هونتين وبعدين شهر العسل يمكن هذي احسن فقرة بالزواج بقوله يوديني.... مممم وين؟ ما أدري ...اي مكان بس لازم نروح بحر ونسوي دايفينق والا كيفه ما نيب متزوجته وبعدين بنسكن بشقه ضيقة وبعدين نرجع دوامات هو يجي من الكلية ينام على بال ما أجهز الغدا وانا أجي سيدا عالمطبخ... تعبانه مب تعبانه عندي أختبار ما عندي... ما بتفرء لاااااا ثلاث هونتات واذا حملت بعدين لاااااا ألف هونت يطلع لي كرش زي ذوليك البنات وامشي زي البطريق لالالا مب لازم اتزوج من قال انو لازم الوحدة تعرس خلني هنا في بيت بابا الله يخليه لي ..اذا طلعت أول شيبه بفكر بالموضوع مرة ثانية