(سلام يا أح)

سلام يا أح

امس جاني مسج على جوالي من رقم مو مسجل
اول تكملة جت على بالي
سلام يا أحلى
سلام يا أحسن
اصدق تكملة سلام يا أحوس لول
ممكن تكون أسم مو شرط أسم تفضيل
يمكن سلام يا أحمد ؟
يمكن أحب..احتضار..أحول ..أحححح
عشان أعرف اسأل اللي مرسلها بس ما أعرف الرقم لا يكون أحد نشبة وابتلش فيه بعد ، الحل الأمثل
أسأل أختي دليل البيت حافظة رقم جولاتنا كلها و كل اخوالي و أعمامي وصديقاتها و أمهات صديقاتها و خواتهم
وصديقاتي بعد و أمهاتهم لول ما أدري شلون تعرف أول ما تشوف الرقم تقول حق مين رحت عندها...

-نوير شوفي هذا الرقم تعرفينه؟
-لا..هذا نفس رقم خالي بس بدال الأربعة اثنين
تذكري يمكن مرة خالي؟
لا لا متأكدة ما أعرفه
طيب ..بس أبي أعرف سلام يا أح وشو؟
طيب اسأليه
لا..أخاف وحدة من البنات بتسوي مقلب تلعب علي
عاد أنا ما عمرهم سوولي مقلب ولا عمري طاح وجهي ولا عمري تفشلت ابد ابد
عشان كذا أحسن شي أنسى المسج صح؟